сулайман сойлу дөлитигә қайтқан сүрийәликләрниң әң йеңи санлиқ мәлуматини елан қилди
ички ишлар министири сулайман сойлу чегра һалқиған һәрбий һәрикәтләр сайисидә шәкилләндүрүлгән ишәнч вә тинчлиқ муһитиниң тәсиридә, һазирға қәдәр 414 миң 61 сүрийә пуқрасиниң дөләтлиригә қайтқанлиқини елан қилди.
түркийә авази радийоси хәвири: ички ишлар министири сулайман сойлу балиқәсиргә қарашлиқ айвалиқ наһийәсидә өткүзүлгән «сүрийә хизмәт гурупписини баһалаш мәслиһәт йиғини»ға қатнашти.
сулайман сойлу 21 - әсирниң тәрәққи тапқан мәдәнийәтлириниң әпсуски, оттура шәрқтә муқимсизлиқ вә терорлуқ үчүн синаристлиқ шундақла режиссор қиливатқанлиқини ейтти.
түркийәниң чегра һалқиған һәрикәтлири билән терорлуққа қарши күришидин башқа йәнә, хатирҗәмлик муһити йаритилишиға зор төһпә қошқанлиқини тәкитләп, «террорлуқ тәшкилати даеш вә п к к ға шундақла қуйруқчилириға мәйданда шәкилләндургән бесимимиз, ички террорлуққа қарши күришимиз, асасән бихәтәрликимизниң чеграйимизниң сиртидин башлинидиғанлиқини көрсәтти. буни <түркийәниң у йәрдә немә иши бар?> дәп ойлайдиғанларға чүшәндүрәлмәйватимиз. ливийәгә барсақ, <ливийәдә немә иши бар?, вай сүрийәдә немә нем шиңиз бар?, шәрқий ақдеңизда немә ишиңиз бар? ирақта немә ишиңиз бар?> дейишиду. кашки бир ишимиз болған болған болса...» деди.
сулайман сойлу өз дөлитигә қайтқан сүрийәликләр тоғрисидики әң йеңи санлиқ мәлуматларни һәмбәһирләп, «чегра һалқиған һәрбий һәрикәтлиримиз сайисидә шәкилләндүрүлгән ишәнч вә тинчлиқ муһитиниң тәсиридә, һазирға қәдәр 414 миң 61 сүрийә пуқраси дөләтлиригә қайтти »деди.
