әрдоған ваксина тоғрисида хуш хәвәр бәрди
түркийә җумһур рәиси рәҗәп таййип әрдоған: «вухән вируси (Kovid-19) ваксинасини 2021-йилиниң дәсләпки айлирида базарға селишни пиланлаватимиз» деди.
түркийә авази радийоси хәвири: җумһур рәис рәҗәп таййип әрдоған кабент йиғинидин кейин муһим байанатларни елан қилди.
у вухән вирусиға қарши турушта йеңи сәһипиниң ечилғанлиқини билдүрүп, қолға кәлтүрүлгән тәҗрибигә вә бесилған мусапиға асасән йеңи истратегийә түзгәнликлирини қәйт қилди.
у: «охшимиған сәккиз ваксина тәтқиқатлириниң иккисидә, һайванлар үстидә қилинған тәҗрибиләр мувәппәқийәтлик ахирлашти. ваксинани 2021-йилиниң дәсләпки айлирида хизмәткә сунушни пиланлаватимиз. түркийә вирус оттуриға чиққандин тартип йолға қойған тәдбирләр вә бемарларға берилгән хизмәтләр нуқтисидин дунйада өрнәк көрситилгән дөләтләр арисидин орун алди» деди.
у қәһвәхана вә ресторан тәкшүрүш, айрим туруши керәк болған кишиләрни назарәт қилиш, 65 йаштин йуқири кишиләрниң қатнаш вастилиридин пайдилинишиға чәклимә қойуш қатарлиқ тәдбирләрни күчәйтидиғанлиқлирини билдүрди.
у мундақ деди:
«тәдбирләрни кишиләрни қийнаш үчүн әмәс, бәлки барлиқ кишилиримизниң саламәтликини қоғдаш үчүн йолға қойимиз.»