erdoghan girétsiye géziti üstidin sotqa erz sundi

türkiye awazi radiyosi xewiri: jumhur reis erdoghan, adwukatining wasitisi arqiliq, girétsiyede chiqidighan «‹ Dimokratia› géziti» ning sahibi, tehrir bölümining mesulliri we bash muherriri üstidin «jumhur reiske haqaret qilish» jinayiti bilen eyiblep sotqa erz sundi.

erznamide mundaq déyildi: «girétsiye gézitining hörmetlik jumhur reisimizke qarita ishletken ibariliri, tiragédiyelik bir exlaqy buzulushning eng qebih alametliridin biridur. girétsiye jamaetchilikining buninggha süküt qilishidin qarap, bu exlaqiy buzulushning peqet bir qisim qaidisiz kishiler bilenla cheklinip qalmaydighanliqini biliwalghanli bolidu. tillash, deydighangha gep tapalmaydighanlarning, yaki sözleydighan gépi bolsimu, lékin munasip bir tilda otturigha qoyush iqtidaridin mehrum bolghanlarning ishidur.  tillash, til – haqaretke uchrighuchi üchün emes, eksche tillighuchi üchün intayin nomus qilarliq we peskeshlerche bir herikettur. bu peskeshlerche heriketning nishani, peqet jumhur reisimizla emes bolup, jumhur reissimizning sherqiy aqdéngizda we arallar déngizida qetiy irade bilen qoghdashqa tirishiwatqan xelqimizning aliy menpeetliridur.»

yene bir tereptin, enqere jumhuriyet bash teptish mehkimisi, jumhur reis erdoghangha til – haqaretni öz ichige alghan serlewhilik xewer élan qilghanliqi sewebidin, girétsiyede chiqidighan «‹ Dimokratia› géziti» ning mesulliri üstidin «jumhur reis erdoghangha haqaret qilish» jinayiti bilen eyiblep tekshürüsh bashlatti.

bash teptish mehkimisi, jumhur reis erdoghangha til – haqaretni öz ichige alghan serlewhilik xewer élan qilghanliqi sewebidin, mezkur gézitning mesulliri üstidin, türkiye jumhuriyiti jinayi ishlar qanunining 12 -, 13 – we 299 – maddilirigha asasen, «jumhur reis erdoghangha haqaret qilish» jinayiti seweblik tekshürüsh bashlitilishini qararlashturdi.

edliye ministiri abdulhamit gülmu, «‹ Dimokratia› géziti» jumhur reis rejep tayyip erdoghangha qattiq til – haqaretni öz ichige alghan serlewhilik xewer élan qilghanliqi seweblik, girétsiye edliye ministiri kostas tsiarasqa mektup yollidi.

gül. mektubida mundaq dédi: «tinchliqni meqset qilidighan zatlarning xalis niyetlirige esla mas kelmeydighan bu exlaqsiz we nomussiz heriketni eng qattiq shekilde eyibleymen, hemde qobul qilghili bolmaydighanliqini bildürimen. sizning bundaq esla qobul qilishqa bolmaydighan bu wehimilik weqege qarita sezgürlük asasida pozitsiye tutidighanliqingizgha we girétsiye dairiliri teripidin bu heqte tégishlik qedemlerning tashlinidighanliqigha ishinimen.»