türkiye balqan döletliri bilen birleshme herbiy manéwir ötküzmekte

türkiye awazi radiyosi xewiri: sherqiy aqdéngizda türkiye bilen girétsiye otturisidiki sürkilish dawamlishiwatqan bir peytte, her ikki dölet birleshme herbiy manéwirgha qatnashmaqta.

türkiye dölet mudapie ministirliqi teripidin bu heqte élan qilinghan bayanatta eskertilishiche, balqan döletliri alahide qisimlar birleshme herbiy manéwirigha, türkiye, ruminiye, girétsiye, bulghariye, albaniye we shimaliy makédoniyedin alahide qisimlar ishtirak qilmaqta iken.

14 – séntebir ruminiyede bashlanghan we 25 – séntebirgiche dawamlishidighan herbiy manéwirning nishani, balqan döletlirining alahide qisimliri ara dostluq we hemkarliqni kücheytish, hemde mas qedemde birlikte heriket qilish iqtidarini yétildürüsh iken.

ruminiye alahide qisim qomandanliq ishtabining sahibxaniliqida dawamlishiwatqan herbiy manéwirgha, türkiye bash ishtab bashqarmisidin bir alahide etret, bir qarargah xadimi bolup, jemiy 12 herbiy xadim qatnashmaqta iken.