чәлик: гиретсийә бандит дөләттур
адаләт вә тәрәққийат партийәси байанатчиси өмәр чәлик, «гиретсийә һазирниң шәрқий оттура деңизидики бандит дөләттур, у өзиниң көлимидин һалқиған ишларни қилишқа урунуватиду» деди.
түркийә авази радийоси хәвири: өмәр чәлик җумһур рәис рәҗәп таййип әрдоғанниң рийасәтчиликидики адаләт вә тәрәққийат партийәси мәркизий иҗраийә комитети йиғини давамлишиватқан пәйттә мухбирларни күтүвелиш йиғини өткүзүп, күн тәртипкә алақидар мәсилиләр тоғрисида тохталди вә мухбирларниң соаллириға җаваб бәрди.
«гиретсийә һазирниң шәрқий оттура деңизидики бандит дөләттур, у өзиниң көлимидин һалқиған ишларни қилишқа урунуватиду» дегән чәлик, шәрқий оттура деңиздики тәкшүрүшләр һәққидә тохтилип, «биз бу хизмәтни чоң қуруқлуқимиз ичидики деңиз салаһийәт тәвәликимиздә елип бериватимиз, у йәрдә гиретсийәгә мунасивәтлик һечқандақ иш йоқ» деди.
байанатчи чәлик, «биз мави вәтән (вәтинимизниң деңиздики тәвәлики) һәққидә кейинчә кәчүрүм сорилидиған бир һәрикәтниң өзрисини қобул қилмайдиғанлиқимизни һазирдинла оттуриға қойимиз» деди.
у сөзини давамлаштуруп, «фирансийәликләрниң рафале айропиланлирини у йәргә әкелиш йаки җәнубий қибрис билән бирләшмә һәрбий маневир өткүзүш арқилиқ еришидиған һеч нәрсиси йоқ. бу хил дипломатийәләрниң нәтиҗиси гиретсийә һөкүмитиниң қаттиқ мәғлубийити билән ахирлишиду» дегәнләрни қәйт қилди.
مۇناسىۋەتلىك خەۋەرلەر
гиретсийә баш министири кирийакос митсотакис әтә түркийәгә йетип келиду
җумһур рәис рәҗәп таййип әрдоған пайтәхт әнқәрәдә митсотакисниң зийаритини қобул қилиду.
