ماردىندا «چاقماق – 8 ساۋۇر» ھەربىي ھەرىكىتى باشلاندى

تۈركىيە ئاۋازى رادىيوسى خەۋىرى: مىنىستىرلىق تەرىپىدىن بۇ ھەقتە ئېلان قىلىنغان باياناتتا ئەسكەرتىلىشىچە، بۆلگۈنچى تېررورلۇق تەشكىلاتى پ ك ك نى دۆلەتنىڭ كۈنتەرتىپىدىن تامامەن چىقىرىۋېتىش ۋە رايوندا يوشۇرۇنۇۋالغان تېررورچىلارنى بىر تەرەپ قىلىش مەقسىتىدە، ماردىندا «چاقماق – 8 ساۋۇر» ھەربىي ھەرىكىتى باشلانغان.

ھەربىي ھەرىكەتكە، ئالاھىدە قىسىم، ئالاھىدە ئەترەت ۋە ئامانلىق ساقلىغۇچىلاردىن 1831 خادىم بىلەن 122 ئالاھىدە ھەرىكەت ئەترىتى قاتناشقان.

چاقماق 1 – 2 – 3 – 4 – 5 – 6 – 7 ھەربىي ھەرىكەتلىرى دائىرىسىدە، ھازىرغىچە جەمئىي 38 تېررورچى بىر تەرەپ قىلىنغان، 63 غار، پاناھ جاي ۋە ئىسكىلات يەر بىلەن يەكسان قىلىۋېتىلگەن، كۆپ ساندا ئوق – دورا، يېمەك - ئىچمەك ۋە تۇرمۇش بۇيۇملىرى قولغا چۈشۈرۈلگەن.