түркийә гиретсийәгә наразилиқ билдүрди

түркийә авази радийоси хәвири: түркийә җумһурийити ташқи ишлар министирлиқи байанатчиси һами ақсой, гиретсийәниң, мәис арилиға әскәр йөткигәнлики тоғрисидики хәвәрләргә алақидар бир соалға йазма һаләттә җаваб берип, мәис арилиниң 1947 – йили имзаланған париж келишимигә асасән қоралсизландурулған район салаһийитигә игә икәнликини хатирилитип өтти.

ақсой, «таратқуларниң хәвәрлири раст болса, гиретсийәниң қанун етирап қилмаслиқиниң вә шәрқий ақдеңиздики һәқиқий нийитиниң йеңи бир көрсәткүчи» икәнликини тәкитлиди.

түркийәниң, аралниң салаһийитигә киргүзүлмәкчи болған қанунсиз өзгәртишләрни рәт қилидиғанлиқини билдүргән ақсой, сөзини давамлаштуруп, «қирғақлиримизниң удулидила бундақ бир иғвагәрчиликниң мәқситигә йетишигә йол қоймайдиғанлиқимизни тәкитләймиз. бу хил иғвагәр һәрикәтләрниң гиретсийәгә һечқандақ пайдиси болмайду. гиретсийә районда җиддийчиликни улғайтқучи қәдәмләрни ташлашни давамлаштурса, зийан тартқан тәрәп өзи болиду. түркийәниң хәлқара қанунда көрситилгән һәқ вә мәнпәәтлирини адаққичә қоғдаш ирадиси қәтийдур» дегәнләрни қәйт қилди.