шиветсийәдики қуранға қилинған пәшкәшләрчә һуҗумға түркийә қаттиқ наразилиқ билдүрди

түркийә авази радийоси хәвири: түркийә ташқи ишлар министирлиқиниң йазма байанатида, «данийәдин шиветсийәниң малмо шәһиригә кәлгән ислам душмини вә ирқий айримчи бир сийасион билән униң әгәшкүчилириниң қуран кәримгә қарши өткүзгән йиргинишлик қутратқулуқини қаттиқ әйибләймиз» дейилди

байанатта, мәзкур қутратқулуқ һәрикәтлириниң бирликтә йашаш күлтүри вә йавропаниң қиммәт қарашлириғиму еғир зәрбә болғанлиқи тәкитләнди.

байанатта йавропадики мусулманларниң йеқинқи мәзгилләрдә ирқий айримчилиқ вә исламға дүшмәнлиқ қилиш позитсийәлиригә дуч кәлгәнлики әскәртилип, «муқәддәс китабимизға қилинған бу пәскәш һәрикәт, мусулманларниң йавропада қандақ тәһдиткә учраватқанлиқини ашкарилаш җәһәттә бир мисал. шиветсийә даирилириниң рухсәтсиз намайиш қилип, қуран – кәримгә һөрмәтсизлик  қилғанларни назарәткә алғанлиқи тоғра йөнилишкә қарап ташланған бир қәдәм болди. биз шиветсийә даирилирини буниңдин кейин дөләттики мусулманларни күшкүртүш үчүн қилинған бу хил һәрикәтләргә қарши керәклик һәр түрлүк тәдбирләрни йолға қойушқа чақириқ қилимиз»дейилди.