mudapie ministirliqi, sochi kélishimidin buyan bir terep qilinghan térrorchilar sanini élan qildi
türkiye jumhuriyiti dölet mudapie ministirliqi, iraqning shimaligha jaylashqan zap we awashin – basyan rayonlirida p k k térrorluq teshkilatining 6 neper térrorchisining bir terep qilinghanliqini uqturdi.
türkiye awazi radiyosi xewiri: dölet mudapie ministirliqi tiwittérdiki adrési arqiliq bayanat bérip, p k k térrorluq teshkilatigha zerbe bérish heriketlirining qetiylik bilen dawamlashturuluwatqanliqini bildürdi.
bayanatta, iraqning shimaligha jaylashqan zap we awashin – basyan rayonlirida charlash we közitish wasitiliri arqiliq orunliri éniqlanghan 6 neper p k k térrorchisining hawa herikiti arqiliq bir terep qilinghanliqi qeyt qilindi.
ministirliqning yene bir bayanatida, 2019 – yili 22 – öktebirde imzalanghan sochi kélishimidin tartip bügüngiche bolghan jeryanda süriyediki tinchliq boliqi herbiy herikiti rayonigha soqunup kirishke urunghan p k k / y p g ezasi 998 térrorchining bir terep qilinghanliqi bildürüldi.
bayanatta, komandirlar teripidin 10 – iyunda orni éniqlanghan tonéllarni qoshqanda jemiy 161 kilométir uzunluqtiki 1433 tonélning paydilanghili bolmaydighan haletke keltürülgenliki eskertildi.
