مۇداپىئە مىنىستىرلىقى، سوچى كېلىشىمىدىن بۇيان بىر تەرەپ قىلىنغان تېررورچىلار سانىنى ئېلان قىلدى
تۈركىيە جۇمھۇرىيىتى دۆلەت مۇداپىئە مىنىستىرلىقى، ئىراقنىڭ شىمالىغا جايلاشقان زاپ ۋە ئاۋاشىن – باسيان رايونلىرىدا پ ك ك تېررورلۇق تەشكىلاتىنىڭ 6 نەپەر تېررورچىسىنىڭ بىر تەرەپ قىلىنغانلىقىنى ئۇقتۇردى.
تۈركىيە ئاۋازى رادىيوسى خەۋىرى: دۆلەت مۇداپىئە مىنىستىرلىقى تىۋىتتېردىكى ئادرېسى ئارقىلىق بايانات بېرىپ، پ ك ك تېررورلۇق تەشكىلاتىغا زەربە بېرىش ھەرىكەتلىرىنىڭ قەتئىيلىك بىلەن داۋاملاشتۇرۇلۇۋاتقانلىقىنى بىلدۈردى.
باياناتتا، ئىراقنىڭ شىمالىغا جايلاشقان زاپ ۋە ئاۋاشىن – باسيان رايونلىرىدا چارلاش ۋە كۆزىتىش ۋاسىتىلىرى ئارقىلىق ئورۇنلىرى ئېنىقلانغان 6 نەپەر پ ك ك تېررورچىسىنىڭ ھاۋا ھەرىكىتى ئارقىلىق بىر تەرەپ قىلىنغانلىقى قەيت قىلىندى.
مىنىستىرلىقنىڭ يەنە بىر باياناتىدا، 2019 – يىلى 22 – ئۆكتەبىردە ئىمزالانغان سوچى كېلىشىمىدىن تارتىپ بۈگۈنگىچە بولغان جەرياندا سۈرىيەدىكى تىنچلىق بولىقى ھەربىي ھەرىكىتى رايونىغا سوقۇنۇپ كىرىشكە ئۇرۇنغان پ ك ك / ي پ گ ئەزاسى 998 تېررورچىنىڭ بىر تەرەپ قىلىنغانلىقى بىلدۈرۈلدى.
باياناتتا، كوماندىرلار تەرىپىدىن 10 – ئىيۇندا ئورنى ئېنىقلانغان تونېللارنى قوشقاندا جەمئىي 161 كىلومېتىر ئۇزۇنلۇقتىكى 1433 تونېلنىڭ پايدىلانغىلى بولمايدىغان ھالەتكە كەلتۈرۈلگەنلىكى ئەسكەرتىلدى.
مۇناسىۋەتلىك خەۋەرلەر
گىرېتسىيە باش مىنىستىرى كىرىياكوس مىتسوتاكىس ئەتە تۈركىيەگە يېتىپ كېلىدۇ
جۇمھۇر رەئىس رەجەپ تاييىپ ئەردوغان پايتەخت ئەنقەرەدە مىتسوتاكىسنىڭ زىيارىتىنى قوبۇل قىلىدۇ.