ete niyu yorktin istanbulgha mexsus ayropilan uchidu
türkiyening niyu yorktiki konsulxanisi türkiye hawa yollirining ete (2020-yili 17-iyun) niyu yorkyin istanbulgha mexsus ayropilan sepiri qoyidighanliqini uqturdi.
türkiye awazi radiyosi xewiri: türkiye hawa yolliri shirkiti wuxen wirusi (Kovid-19) sewebidin amérikada qaytalmay turup qalghan türkiye puqralirini qayturup kélish üchün mexsus ayropilan seperlirini dawamlashturmaqta.
türkiyening niyu yorktiki konsulxanisining bu heqtiki uqturushida: «2020-yili 17-iyun niyu york waqti 18:45 te, < JFK> ayrodurumidin türkiye hawa yollirining <TK4902> seper nomurluq ayropilani istanbulgha uchidu» déyildi.
béletlerni türkiye hawa yolliri shirkitining alaqilishish merkizi we «nycinfo@thy.com» élixet adrésidin türkiye hawa yolliri shirkitining niyu yorktiki ishxanisidin sétiwalghili bolidighanliqi bildürüldi.
uqturushta, wuxen wirusi alametliri körülgen yaki buningdin burun wuxen wirusi bilen yuqumlanghan kishilerning, yoluchilarning bixeterliki nuqtisidin bélet sétiwalalmaydighanliqi alahiide eskertildi.
türkiye hawa yolliri shirkiti 2020-yili 15-maydimu niyu york we chikagodin, 16-mayda bolsa xostondin, 17-mayda miamidin türkiye puqralirini qayturup kelgen idi.
مۇناسىۋەتلىك خەۋەرلەر
türkiye térrorchilargha zerbe bérishni dawamlashturmaqta
türkiye térrorluqqa qarshi turush kürishini qetiy irade bilen üzlüksiz dawamlashturmaqta.
