t r t «yer shari xaraktérlik tehdit» namliq höjjetlik filimini tarqitishni bügün bashlaydu

türkiye awazi radiyosi xewiri: türkiye radiyo- téléwiziye idarisi – t r t ning «höjjetlik filim» qanili,  türkiye we dunyani tesiri astigha éliwalghan wuxen wirusi (kowid – 19) yuqumini téma qilghan «yer shari xaraktérlik tehdit» namliq höjjetlik filimini körürmenlirining huzurigha sunidu.

«yer shari xaraktérlik tehdit» namliq höjjetlik filim, adettiki yuqumluq késellik emes , belki mushu bir esirning yuqumluq késelliki bolghan wirusning barliq tepsilatlirini körsitip béridu.

wirusning qiteler ara sepiri, bérilgen qurbanlar , krizis mezgilide chiqirilghan qiyin qararlar we hazirghiche tarqalmighan ilham menbesi hékayiliri höjjetlik filimde tamashibinlar bilen uchrashturulidu.

musheqqetlik küreshni téma qilghan 6 qisimliq bu höjjetlik filim, yuqumgha özgiche köznektin qarash bilen teminleydu. höjjetlik filimning birinchi qismida, xitayda bashlanghan bu késellikning milyon nopusluq bir sheherning qandaq karantin qilinishini keltürüp chiqirghanliqi bayan qilinidu.

«yer shari xaraktérlik tehdit» namliq höjjetlik filim bügün türkiye waqti 12 din 35 minut ötkende t r t ning «höjjetlik filim» qanili tarqitilishqa bashlinidu.