ئوقتاي يۇقۇمغا تاقابىل تۇرۇش تەدبىرلىرى كوردىناتسىيە يىغىنىغا رىياسەتچىلىك قىلدى

تۈركىيە ئاۋازى رادىيوسى خەۋىرى: جۇمھۇر رەئىس رەجەپ تاييىپ ئەردوغاننىڭ يوليورۇقىغا ئاساسەن جۇمھۇر رەئىس ياردەمچىسى فۇئات ئوقتاينىڭ رىياسەتچىلىكىدە چانقايا سارىيىدا چاقىرىلغان كوۋىد – 19 تەدبىرلىرىگە مۇناسىۋەتلىك كوردىناتسىيە يىغىنىدا، يۇقۇمنىڭ كېڭىيىپ كېتىشىنىڭ ئالدىنىڭ ئېلىنىشى ۋە خىزمەتچىلەرنىڭ سالامەتلىكىنى قوغداش يولىدا تاشلاشقا بولىدىغان قوشۇمچە چارە – تەدبىرلەر مۇزاكىرە قىلىندى.

يىغىنغا ئىچكى ئىشلار مىنىستىرى سۈلەيمان سويلۇ، ئائىلە، ئەمگەك ۋە ئىجتىمائىي خىزمەتلەر مىنىستىرى زەھرا زۈمرۈت سەلچۇق بىلەن جۇمھۇر رەئىسلىك مەھكىمىسى ئىدارە ئىشلىرى باشلىقى مەتىن قىراتلى قاتارلىقلار قاتناشتى.