әрдоған: әскәрлиримиз азрақла зийанға учриса еғир бәдәл төләткүзимиз

түркийә авази радийоси хәвири: әрдоған өзиниң рәһбәрликидики адаләт вә тәрәққийат партийәсиниң түркийә бүйүк милләт мәҗлисидики гуруппа йиғинида, идлибтики пуқралар нишан қилиниватқан һуҗумлар һәққидә тохтилип мундақ деди: «һәммә көзини йумувалған, сүкүттә турувалған вә виҗданини тоңлитип қойған тәқдирдиму түркийә һәргиз ундақ қилалмайду, буниңдин кейин һечкимниң азғунлуқи, радикаллиқи, сатқунлуқи вә иғвагәрликигә көз йумалмаймиз. идлибта пуқрави олтурақ мәһәллилиригә һуҗум қилғам учқучисиз һава аппаратлири әмди бурунқидәк халиғанчә һәрикәт қилалмайду. шуни алаһидә тәкитләп өтимәнки, сүрийәдики әскәрлиримиз ашрақла зийанға учриған тәқдирдә, бәшшар әсәд күчлиригә һәммила җайда еғир бәдәл төләткүзимиз. әскәрлиримизниң қени төүлгән бир йәрдә, өзини қанчилик күчлүк дәп қариса қарсиун, һечкимниң әсла хатирҗәм болалмайдиғанлиқини очуқ - ашкара һалда пүткүл җаһанға җакарлаймән. бәшшар әсәд күчлирини мушу айниң ахирлириғичә <сочи келишими> ниң  чәк – чегралириниң сиртиға؛ түркийә қисимлириниң көзитиш нуқтилрииниң сиртиға чиқириветиш ирадимиз қәтийдур. бу нишанни ишқа ашурушта, қуруқлуқ, һава армийәлиримизни ишқа салимиз, алдаш характерлик тактикиларға қәтий йол қоймаймиз.»