«астана басқучи даирисидә йиғин чақирилиши мумкин»
җумһур рәислик сарийи байанатчиси ибраһим қалин «астана басқучи» даирисидә йеңи йиғин чақирилиш еһтималлиқиниң барлиқини ейтти.
түркийә авази радийоси хәвири: қалин җумһур рәис рәҗәп таййип әрдоғанниң рийасәтчиликидә чақирилған министирлар кеңиши йиғинидин кейин елан қилған байанатида, сүрийәниң идлиб районидки өзгиришләр һәққидә тохтилип мундақ деди: «<сочи> вә <астана> келишимлири даирисидә тоқунушмаслиқ райони қилип бекитилгән районлар бизниң асаслиқ чегра линийәлиримиз һесаблиниду. бәлки март ейида <астана басқучи> даирисидә йеңи йиғин чақирилиши мумкин. дәрвәқә, бу йиғинға тәййарлиқ қилиш хизмәтлириму давамлашмақта.»
йавропа парламентида бөлгүнчи террорлуқ тәшкилати п к к/й п г/п й д ниң аталмиш мәсуллириниңму иштирак қилишида корд конферанси өткүзүлгәнликини әскәрткән қалин мундақ дәп көрсәтти: «кордларни қоғдашни, уларға йол көрситишни халайдиғанлиқини илгири сүрүватқанларниң, кордларни өзлириниң районлуқ пиланлирини ишқа ашурушта козерға айландурувелиштин башқа нийәтлири йоқтур.»