әрдоған украинани зийарәт қилиду

түркийә авази радийоси хәвири: түркийә җумһур рәислик учур-алақә идариси рәҗәп таййип әрдоғанниң украинани зийарәт қиилдиғанлиқи тоғрисида байанат елан қилди.

байанатқа асасланғанда, җумһур рәис рәҗәп таййип әрдоған билән украина пирезиденти владимир зеленский (Vladimir Zelenskiy) ниң башчилиқида вә мунасивәтлик министирларниң қатнишиши астида кийевдә өткүзүлидиған кеңәш йиғинида, икки тәрәп вә районлуқ мәсилиләр тәпсилий музакирә қилиниду.

рәҗәп таййип әрдоғанниң учришишлири җәрйанида, қирим татарлириниң әһвали һәққидә өзара пикир алмаштурулиду. украина билән истратегийәлик шериклик мунасивәтлириниң чоңқурлишишиға қаритилған йеңи һәмкарлиқ имканийәтлири муһакимә қилиниду.

рәҗәп таййип әрдоған билән украина пирезиденти владимир зеленский түркийә-украина сода-санаәтчилири биләнму көрүшиду.