türkiye bilen gambiye otturisida kélishimler imzalandi

türkiye awazi radiyosi xewiri: jumhur reis rejep tayyip erdoghan gambiyede resmiy dölet ishliri ziyaritide boldi. u gambiye pirézidénti adama barrow (Adama Barrow) bilen ötküzülgen ayrim we heyetler ara uchrishishlardin kéyin, ortaq axbarat élan qilish yighini uyushturdi.

rejep tayyip erdoghan uchrishishlarda özara munasiwetlerni muzakire qilghanliqlirini bildürüp, fethullahchi térrorluq teshkilatining oqu-oqutush nami astida qiliwatqan heriketlirini tunji bolup toxtatqan döletning, gambiye ikenlikini eskertti.

u: «gambiyening qetiy qedimi, afriqa döletliride fethullahchi térrorluq teshkilatigha qarshi küresh nuqtisida ülge boldi» dédi.

u ikki dölet otturisidiki iqtisadiy we soda munasiwetlirining arzu qilghan sewiyede emeslikini bildürüp, ikki terep sodisini tengpung bolghan qurulmigha ige qilishni xalaydighanliqlirini qeyt qildi.

rejep tayyip erdoghan bu qétimqi ziyaritining ikki dölet otturisida yéngi hemkarliqlar ishiklirining échilishigha wesile bolushini tilidi.

gambiye pirézidénti adama barrow yillardin buyan türkiyedin her sahe boyiche muhim qollashlarni we hemkarliq yéqinliqini körgenliklirini bildürüp, iqtisadning türlük saheliride türkiye bilen küchlük munasiwetlerning tesis qilinghanliqini qeyt qildi.

u biwaste chet el mebleghlirining wastisi arqiliq iqtisadiy sahediki hemkarliqni türkiye bilen her sahede tereqqiy qildurushqa mayil ikenliklirini bildürdi.

ortaq axbarat élan qilish yighinidin burun, rejep tayyip erdoghan bilen adama barrowning huzurida ikki dölet otturisida oxshimighan kélishimler imzalandi.