түркийә деңиз қирғиқи мудапиә әтрити непаллиқ 22 көчмәнни қутқузувалди

түркийә авази радийоси хәвири: түркийә деңиз қирғиқи мудапиә әтрити, әдирнәниң әнәз наһийәси деңиз тәвәликидә гиретсийә тәрәпкә өтүп кетишкә урунуватқан 22 нәпәр тәртипсиз (қанунсиз) көчмәнни боранда кемилири ғәрқ болуп кетишкә азла қалғанда қутқузувалди.

қанунсиз йол билән деңиз арқилиқ чеградин һалқип өтүшкә урунуватқан тәртипсиз көчмәнләр, боранниң зәрбисигә учриғандин кейин җиддий йардәм тәләп қилиш мәркизигә телефон қилип йардәм сориди. қаттиқ боран йүзисидин техникилиқ үскүниләр көчмәнләр кемисиниң орнини муәййәнләштүрәлмиди. шуниң билән, әнәз вә гөкчәадада турушлуқ деңиз қирғиқи мудапиә әтрити кемилири билән измирдин қозғалған деңиз қирғиқи мудапиә әтрити айропилани районни чарлаш арқилиқ көчмәнләрниң әнәз деңиз тәвәликидики бозтәпә тумшуқида икәнликини ениқлап чиқти.

деңиз қирғиқи мудапиә әтрити хадимлири, моторида кашила чиққан вә шиддәтлик долқун сәвәбидин су кирип кетип ғәрқ болуш алдида туруватқан кемидики непал пуқраси 22 нәпәр тәртипсиз көчмәнни қутқузувалди.

қуруқлуққа елип чиқилип сәһийә тәкшүрүшидин өткүзүлгән көчмәнләргә әдирнә вилайәтлик көчмәнләр идариси тәрипидин йотқан вә кийим – кечәк берилди.