әрдоған: түркийәниң йәрлик аптомобили үчүн закас келишкә башлиди
җумһур рәис рәҗәп таййип әрдоған түркийәниң йәрлик аптомобили үчүн закас келишкә башлиғанлиқини билдүрди.
түркийә авази радийоси хәвири: җумһур рәис рәҗәп таййип әрдоған бәштәпә хәлқ қурултийи вә күлтүр мәркизидә өткүзүлгән түркийә илим - пән вә тәтқиқат идариси «TÜBİTAK» вә түркийә илим – пән академийәси «TÜBA» ниң мукатлаш мурасимида нутуқ сөзлиди.
әрдоған нутуқида, «буниңдин кейин йеңи техникиниң пәқәтла базири болуп қалмастин, бу техникиларни ишләпчиқиридиған, пүтүн дунйаға кеңәйтидиған вә өзи бәлгилигән өлчәмләрни қобул қилдуридиған бир дөләткә айлиниш ирадимиз қәтийдур. миллитимиз түркийәниң аптомобилиға пүтүн қәлби билән игә чиқти. закаслар келишкә башлиди. бу лайиһә дөлитимиз үчүн аптомобил ишләпчиқиштинму һалқиған бир нишанға игә» деди.
әрдоған түркийәниң 2020 – йилида йавропа иттипақиға төләйдиған 80 милйон йавро һәссә бәдилини түркийәдики тәтқиқатчиларға ишилитидиғанлиқи һәққидә мәлумат бәрди.
