молдавийә пирезиденти түркийәдә дөләт ишлири зийаритидә болиду

түркийә авази радийоси хәвири: җумһур рәислик мәһкимиси учур – алақә ишлири идарисиниң билдүрүшичә, пирезидент игорниң зийарити даирисидә әтә түркийә – молдавийә йуқири дәриҗилик истратегийәлик һәмкарлиқ кеңишиниң тунҗи нөвәтлик йиғини  җумһур рәис әрдоған вә мәнсәпдеши додонниң рийасәтчиликидә әнқәрәдә өткүзүлидикән.

түркийә – молдавийә икки тәрәп мунасивәтлири омумйүзлүк көздин кәчүрүлидиған вә һәмкарлиқларниң даирисини кеңәйтиш йолида ташлинидиған қәдәмләр музакирә қилинидиған учришишларда, икки дөләт мунасивәтлиридин сирт, район вә хәлқаралиқ өзгиришләр тоғрисидиму пикир алмаштурулуши, шундақла бәзи саһәләрдә келишимләрниң имзалиниши пиланланмақта икән.