fahrettin altun: «seudi erebistan soti dunyaning eqlini mesxire qilmaqta»
jumhur reislik uchur – alaqe idarisining bashliqi fahrettin altun, seudi erebistan sot mehkimisining zhurnalist jemal qashiqchi jinayitige alaqidar qararigha «dunyaning eqlini mesxire qilghanliq» dep baha berdi.
![fahrettin altun: «seudi erebistan soti dunyaning eqlini mesxire qilmaqta»](http://cdn.trt.net.tr/images/xlarge/rectangle/0bd4/7b5e/5ac3/5d9dc10d6cf1b.jpg?time=1719029050)
türkiye awazi radiyosi xewiri: jumhur reislik uchur – alaqe idarisining bashliqi fahrettin altun, twittér hésabida hembehirleshken uchurida, seudi erebistan sot mehkimisining qashiqchi jinayiti üstide aylarghiche dawamlashqan mexpiy sotlardin kéyin, tünügün (2019-yili 23-dékabir) shermendilerche bir qarar maqullighanliqini bildürdi.
fahrettin altun: «jinayet guruppisini mexsus ayropilan bilen istanbulgha yollighan we qashiqchini öltürüsh permanigha imza qoyghan, öltürülgüchining jesitini yoqitip tashlighan shundaqla jinayetni gélemning astgha süpürüp qoymaqchi bolghan kishilerge qanun chéqilalmaydighan hoquq bérildi. <bu jinayetni bir uchum istixbarat xadimliri sadir qilghan> déyish, addiy qilip éytqanda, dunyaning eqlini mesxire qilghanliqtur, türkiye bu weqeni toluq aydinglashturush üchün tirishchanliqlirini dawamlashturidu» dédi.
seudi erebistanliq zhurnalist jemal qashiqchi 2018 – yili toy rismiyetliri üchün seudi erebistanning istanbuldiki kotsulxanisigha kirginide, wehshiylerche öltürülgen idi.
مۇناسىۋەتلىك خەۋەرلەر
![türkiye térrorchilargha zerbe bérishni dawamlashturmaqta](http://cdn.trt.net.tr/images/medium/rectangle/828b/04e9/7c0a/666c1fc0b666e.jpg?time=1719029051)
türkiye térrorchilargha zerbe bérishni dawamlashturmaqta
türkiye térrorluqqa qarshi turush kürishini qetiy irade bilen üzlüksiz dawamlashturmaqta.