ئامېرىكا باش ئەلچىسى تاشقى ئىشلار مىنىستىرلىقىغا چاقىرىلدى
ئامېرىكانىڭ ئەنقەرەدە تۇرۇشلۇق باش ئەلچىسى داۋىد م.ساتتېرفىلد (David M. Satterfield) ئامېرىكا كېڭەش پالاتاسىنىڭ ئاتالمىش 1915-يىل ۋەقەلىرى ئۈستىدە چىقارغان قارارى سەۋەبىدىن تۈركىيە تاشقى ئىشلار مىنىستىرلىقىغا چاقىرىلدى.
تۈركىيە ئاۋازى رادىيوسى خەۋىرى: مۇئاۋىن تاشقى ئىشلار مىنىستىرى سەدار ئۆنالنىڭ تۈركىيەنىڭ ئامېرىكا كېڭەش پالاتاسىنىڭ قارارىغا مۇناسىۋەتلىك نارازىلىقىنى ئامېرىكا باش ئەلچىسى داۋىد م.ساتتېرفىلدقا يەتكۈزگەنلىكى بىلدۈرۈلدى.
ئامېرىكانىڭ ئەنقەرە ئەلچىخانىسى بۈگۈن (13-دېكابىر) مەزكۇر قارارغا مۇناسىۋەتلىك ئېلان قىلغان باياناتىدا، ئامېرىكا ھۆكۈمىتىنىڭ مەيدانىنىڭ ئۆزگەرمىگەنلىكىنى، ھۆكۈمەتنىڭ بۇ ھەقتىكى قاراشلىرىنىڭ پىرېزىدېنت دونالد ترامپنىڭ 2019-يىلى ئاپرېلدا ئېلان قىلغان باياناتىدا ئەكس ئەتكەنلىكى ئەسكەرتىلدى.
ئامېرىكا پىرېزىدېنتى ترامپ 2019-يىلى ئاپرېل ئېيىدا ئاتالمىش 1914-يىل ۋەقەلىرىگە مۇناسىۋەتلىك قىلغان سۆزىدە، «چوڭ پالاكەت» مەنىسىنى بىلدۈرىدىغان ئەرمەنچە «مېدس يېغېرن» دېگەن سۆزنى ئىشلەتكەن ئىدى.
ئامېرىكا كېڭەش پالاتاسى ئاتالمىش 1915-يىل ۋەقەلىرىنى «ئىرقىي قىرغىنچىلىق» دەپ ئېتىراپ قىلىدىغان قانۇن تەكلىپ لايىھەسىنى قوبۇل قىلغان ئىدى.
مۇناسىۋەتلىك خەۋەرلەر
گىرېتسىيە باش مىنىستىرى كىرىياكوس مىتسوتاكىس ئەتە تۈركىيەگە يېتىپ كېلىدۇ
جۇمھۇر رەئىس رەجەپ تاييىپ ئەردوغان پايتەخت ئەنقەرەدە مىتسوتاكىسنىڭ زىيارىتىنى قوبۇل قىلىدۇ.