erdoghan nobél edebiyat mukapatining handkégha bérilishige qattiq naraziliq bildürdi

türkiye awazi radiyosi xewiri: jumhur reis erdoghan, «10 – dékabir kishilik hoquq küni» munasiwiti bilen télégramma tarqatti؛ télégrammsiida dunyaning tinchliq we muqimliqigha xewp peyda qiliwatqan mesililerning aldinqi qatarida islamgha öchmenlik xahishining barliqini tekitligen erdoghan, «bu mesilining eng chong jawabkarliri, islamgha öchmenlik qilishni bir awaz bélitige érishishning wasitisi qiliwalghan siyasetchiler, öchmenlik idiyesini pikir erkinliki dégen nam astida normal qilip körsitiwatqan médiya we nöwettiki qurulmiliri bilen dewrimizning saqliniwatqan mesililirige chare tapalmaywatqan xelqaraliq teshkilatlardur» dédi.

erdoghan, 9 yildin buyan süriyediki milyonlarche kishining peryadini anglimasqa salghan xelqara jemiyetning, bu süküti arqiliq eng éghir zerbini dunya kishilik hoquq xitabnamiside orun alghan qimmet – qarashlargha urghanliqini eskertti.

nobél edebiyat mukapatining irqchi bir adem (awstraliyelik yazghuchi pétér handké) ge bérilishige naraziliq bildürgen erdoghan, «10 – dékabir kishilik hoquq künide nobél edebiyat mukapatining bosniye – gértségowinadiki qirghinchliqni inkar qilghan we urush jinayetchilirini aqlighan irqchi bir ademge bérilishi, kishilik hoquq depsendichilikini mukapatlashtin bashqa héchqandaq uqumni ipadilimeydu» dégenlerni qeyt qildi.

erdoghan télégrammisida, türkiyening insan merkezlik dölet enenisidin alghan ilhamgha tayinip démokratiye we asasiy erkinlikler sahesidiki islahat iradisini aldimizdiki basquchtimu dawamlashturidighanliqini bildürdi.