aqar: herbiy herikitimiz «térrorluq döliti» qurush xam xiyalini berbat qildi
dölet mudapie ministiri hulusi aqar türkiyening chégra halqighan herbiy herikiti arqiliq süriyening shimaliy qismida «térrorchilar karidori» shekillendürüsh we «térrorluq döliti» qurush xam xiyalini berbat qilghanliqini éytti.
türkiye awazi radiyosi xewiri: aqar, türkiye büyük millet mejlisi pilan we xamchot ishliri komitétida, dölet mudapie ministirliqining 2020 – yilliq xamchot ishliri heqqide doklat bergende, parlamént ezalirining soallirigha jawab bérip mundaq dédi: «chégra halqighan herbiy heriket arqiliq dölitimizning bixeterliki qoghdap qélindi. bu sayida 400 mingdin artuq süriyelik yurt – makanlirigha qaytish pursitige érishti.»
parlamént ezalirining «rusiyedin sétiwélinghan <400 – s> bashqurulidighan bomba mudapie sistémisi ishqa kirishtürülemdu yoq?» teriqisidiki soallirigha jawab bergen aqar, bu sistémining pilan boyiche del waqtida ishqa kirishtürülidighanliqini tekitlidi, shuning bilen bir waqitta, « F-35» tipliq urush ayropilanliridin 4 ining türkiyege tapshurup bérilgenlikini, yene birining tapshurulup bérilish aldida turuwatqanliqini qeyt qildi.
u yene, malatyagha « F-35» tipliq urush ayropilanliri orunlashturulidighan jaylarningmu alliqachan belgilinip bolghanliqini, jumhur reis rejep tayyip erdoghan bilen amérika qoshma ishtatliri pirézidénti donald trampning uchrishishidin kéyin, ikki dölet otturisida bu heqte bir heyet teshkil qilinishining qararlashturulghanliqinimu sözlirige ilawe qildi.
مۇناسىۋەتلىك خەۋەرلەر
türkiye térrorchilargha zerbe bérishni dawamlashturmaqta
türkiye térrorluqqa qarshi turush kürishini qetiy irade bilen üzlüksiz dawamlashturmaqta.
