türkiye «sochi kélishimi» heqqide bayanat élan  qildi

türkiye awazi radiyosi xewiri: türkiye dölet mudapie ministirliqi teripidin 22 – öktebir küni süriyede «firat deryasi» ning sherqiy qismi we «<tinchliq buliqi> herbiy herikiti»  toghruluq türkiye bilen rusiye otturisida tüzülgen «sochi kélishimi» heqqide élan qilinghan bayanatta mundaq déyildi: «22 – öktebir küni <firat deryasi> ning sherqiy qismi toghruluq türkiye bilen rusiye otturisida sochida tüzülgen kélishimning belgilimilirige riaye qilish mesilisige qarita süzgürlükimiz intayin yüksektur. 150 saetlik möhletning toshushidin kéyin, rusiye terep bölgünchi térrorluq teshkilati p k k/y p g ning éghir tipliq qoral – yaraghliri bilen birlikte türkiye – süriye chégrasidin étibaren 30 kilométir sirtqa, hemde munbich we tel rifet sirtigha chékinip chiqip ketkenlikini bildürdi. mewjut <tinchliq buliqi> herbiy herikiti sahesining chégra liniyelirining gherbiy hem sherqiy qismida 10 kilométir chongqurluqta, qamishli shehiridin bashqa jaylarda, türkiye – rusiye otturisida ortaq charlash élip bérish paaliyetliri bashlinidu. bu dairide charlash menzilgahlirida mina, partlatquch tazilash paaliyetliri hem charlash uchushliri bashlandi. chégra liniyelirining jenubiy qismida qandaqtur birer térrorluq karidorining shekillendürülüshige esla yol qoymaymiz. daésh we p  k k/y p g  qatarliq térrorluq teshkilatlirigha qarshi kürishimiz adaqqiche dawamlishidu. bu arqiliq rayonda <tinchliq karidori> shekillendürülüp,  yurt – makanliridin ayrilip qalghan süriyelik qérindashlirimizning öz ixtiyarliqi bilenm=, hemde bixeter halda öz yurtigha qaytishi ishqa ashurulidu.»