калин: тинчлиқ булиқи й п г|п к к райондин толуқ чекингәндә тохтитилиду

түркийә авази радийоси хәвири: түркийә җумһур рәислик сарийи байанатчиси ибраһим калин германийә авази радийосиниң зийаритини қобул қилғанда, тинчлиқ булиқи һәрикитини 120 саәт тохтитип, террорлуқ тәшкилати й п г|п к к ниң бихәтәр райондин чекинши мәқситидә түзүлгән келишим болсиму, әмма буниңға хилаплиқ қилиш қилмишлириниң көрүлгәнликини ейтти.

у келишимниң биринчи басқучиниң тинчлиқ булиқи һәрикитини тохтитиш؛ иккинчи басқучиниң террорлуқ тәшкилати й п г|п к к ниң бихәтәр райондин пүтүнләй чекиниши икәнликини билдүрди.

у түнүгүн (2019-йили 21-өктәбир) әтигәндин башлап й п г|п к к ниң келишимгә, мәргәнләрниң оқ чиқириши, ракетамийот һуҗуми, түркийә әскәрлири вә башқа гуруппиларни нишанға алған һуҗумларни өз ичигә алған һуҗумлар билән 20 қетим хилаплиқ қилғанлиқини, бу һуҗумлар сәвәбидин бир түркийә әскириниң шеһит болғанлиқини әскәртти.

20-өктәбир й п г|п к к ниң райондин чекинишигә рухсәт қилинғанлиқини, й п г|п к к әзалириниң 86 аптомобил вә дохтурхана аптомобиллири билән райондин чекингәнликини, бу җәрйанда һечқандақ вәқә йүз бәрмигәнликини билдүргән ибраһим калин, бүгүн (22-өктәбир) кәчкичә й п г|п к к ниң райондин пүтүнләй чекинип болушиниң вә келишим бойичә һәрикәтниң тохтитилишиниң үмид қилиниватқанлиқини қәйт қилди.

у 120 саәтлик вақитни узартиш мәсилисиниң йоқлуқини әскәртип, тинчлиқ булиқи һәрикитиниң й п г|п к к райондин толуқ чекингән әһвалда тохтитилидиғанлиқини билдүрүп мундақ деди:

«барлиқ й п г террористлириниң райондин айрилғанлиқидин хатирҗәм болсақ, у чағда һәрикәтни тохтитимиз.»

у түркийә армийәси районниң пуқралар үчүн бихәтәр икәнликини тәстиқлиған әһвалда һәрикәтни узартишқа керәк йоқлуқини вә районда инсанпәрвәрлик хизмәтлириниң қанат йайдурулидиғанлиқини әскәртип, тинчлиқ булиқи һәрикити мәқсәтлириниң бириниң, районниң террористлардин тазилиниши؛ йәнә бириниң, мусапирларниң өйлиригә қайтишини капаләткә игә қилиш икәнликини қәйт қилди.

у: «бу сәвәбтин, мусапирларниң шәһәрләргә, йеза-базарларға қайтиши үчүн мувапиқ шараитларни йаритишни үмид қилимиз. түркийә армийәсиниң райондики мәвҗутлуқи, сүрийәдики сийасий мусапиниң илгирилишини, сүрийәлик мусапирларниң вә сүрийәдики өй-маканлиридин айрилған кишиләрниң қоғдилишини капаләткә игә қилиду. йавропалиқ достлиримиз бу хәтәрлик вә интайин муһим хизмәтни қилғанлиқи үчүн әскәрлиримизгә миннәтдар болуши керәк» деди.