«<tinchliq buliqi> herbiy herikiti» de bir terep qilinghan térrorchilarning sani köpeymekte

türkiye awazi radiyosi xewiri:  dölet mudapie ministirliqi teripidin bu heqte élan qilinghan bayanatta, mundaq déyildi: «türkiyening jenubiy chégra rayonlirida shekillendürülmekchi bolghan térrorluq karidorini yoq qilish, rayongha huzur we tinchliq élip kélish meqsitide türkiye armiyesi teripidin süriyede <firat deryasi> ning sherqiy qismida élip bériliwatqan <tinchliq buliqi> herbiy herikiti 9 – künige qedem qoyghanda bir terep qilinghan bölgünchi térrorluq teshkilati p k k/y p g  liq térrorchilarning sani 673 ke yetti.»

dölet xewpsizlik menbelirining bildürüshiche, muweppeqiyetlik halda dawamlishiwatqan «<tinchliq buliqi> herbiy herikiti» bölgünchi térrorluq teshkilati  y p g/p k k ni qattiq ümidsizlikke duchar qilghan, bu ehwal térrorluq teshkilatining yimirilishige seweb bolghan, buninggha egiship, reqqe we tebga rayonlirida térrorluq teshkilati teripidin mejburiy halda qoral tutquzulghan 600 ge yéqin térrorchi qéchip ketken, türkiye qisimlirigha teslim bolghan térrorchilarning sani 40 tin ashqan.