«<tinchliq buliqi> herbiy herikiti» de bir terep qilinghan térrorchilarning sani köpeymekte
süriyening shimaligha jaylashqan «firat deryasi» ning sherqiy qismida muweppeqiyetlik halda dawamlishiwatqan « herbiy herikiti» jeryanida bir terep qilinghan bölgünchi térrorluq teshkilati p k k/p y d/y p g térrorchilirining sani 415 ke yetti.
türkiye awazi radiyosi xewiri: dölet mudapie ministirliqining bildürüshiche, 9 – öktebir küni bashlanghan «<tinchliq buliqi> herbiy herikiti» dawamida bir terep qilinghan bölgünchi térrorluq teshkilati p k k/p y d/y p g térrorchilirining sani 415 ke yetken.
bayanatta tekitlinishiche, türkiye qisimlirining «firat deryasi» ning sherqiy qismidiki amérika qisimlirining közitish nuqtisigha hujum qilghanliqi yalghan iken.
igilinishiche, amérika qoshma ishtatliri dölet mudapie ministirliqining ismini ashkarilashni xalimighan bir emeldari, muxbirlarni kütüwélish yighinida bergen bayanatida, süriyede eyn elereb (kobani) etrapida amérika qisimlirigha ait bir közitish nuqtisigha yéqin jayda partlash yüz bergenlikini, lékin bu partlashning kim teripidin élip bérilghanliqining téxiche éniq emeslikini, bu heqte uchur toplashni dawamlashturuwatqanliqlirini bildürüp mundaq dégen: «partlashta héchbir eskirimiz ziyangha uchrimidi, bu partlashning kim teripidin élip bérilghanliqini bilmeymiz, shuning bilen bir waqitta, bu partlashning angliq halda amérika eskerlirini nishan qilidighanliqigha ishenmeymiz.»
