aqar amérika dölet mudapie ministiri bilen téléfonda körüshti

türkiye awazi radiyosi xewiri: uchrishishta, türkiyening süriye chégrasida bixeter rayon berpa qilish mesilisi heqqide özara pikir almashturuldi, türkiyening jenubidiki süriye chégrasida qandaqtur térrorluq karidorining shekillinip qélishigha yol qoyulmaydighanliqi tekitlendi, türkiye terep amérika tereptin bölgünchi térrorluq teshkilati p k k/p y d/y p g ge qoral - yaragh we oq - dora qatarliq jehettin bériliwatqan yardemlerni toxtitishini telep qildi.

türkiye dölet mudapie ministirliqi teripidin bu heqte élan qilinghan bayanatta, aqarning éspérgha mundaq dégenliki eskertildi: «<firat deryasi> ning sherqidin texminen 30 kilométir chongqurluqta, chégra liniyelirini boylap éghir tipliq qoral – yaraghlar we térrorchilardin tazilanghan bixeter rayon/tinchliq karidori berpa qilinishi kérek, aldash taktikiliri ishlitilgen, yaki bu pilan keynige sürülgen teqdirde, ortaq paaliyetler axirlishidu, u chaghda türkiye öz aldigha heriket qilishqa mejbur bolidu, derweqe türkiyening iradisi qetiydur.»