муавин җумһур рәис шивейтсарийәдә

түркийә авази радийоси хәвири: хәлқара әмгәк тәшкилатиниң 30 дөләттин дөләт вә һөкүмәт башлиқлири иштирак қилған 108 – нөвәтлик хәлқара әмгәк конферансиға қатнишиш үчүн  шивейтсарийәдә зийарәттә болған муавин җумһур рәис фуат октай, конферанс җәрйанида һәйәтләр  ара түрлүк учришишларни елип барди.

октай бирләшкән дөләтләр тәшкилатиниң җәнвәдики иш беҗириш орнида б д т омумий кеңишиниң башлиқи мариа фәрнанда еспиноса гарсес билән бир йәргә җәм болди.

учришишта, аилә вә иҗтимаий хизмәтләр ишлири министири зәһра зүмрүт сәлчуқ вә түркийәниң бирләшкән дөләтләр тәшкилатиниң җәнвәдики иш беҗириш орнида даимий турушлуқ вәкили баш әлчи садиқ аслан қатарлиқларму муавин җумһур рәис  фуат октай билән биллә болди.

учришишта, түркийә – бирләшкән дөләтләр тәшкилати оттурисидики һәмкарлиқни йәниму күчәйтиш тоғрулуқ музакирә елип берилди. түркийәниң сиҗил тәрәққийат нишанлириниң наһайити зор әһмийәткә игә икәнлики тәкитләнгән учришишта, бирләшкән дөләтләр тәшкилати технологийә банкисиниң әһмийити, бирләшкән дөләтләр тәшкилати қурулмисида ислаһат елип бериш паалийәтлири вә истанбулда ишқа кириштүрүлидиған бирләшкән дөләтләр тәшкилати йашлар мулазимәт мәркизи хизмити тоғрулуқ өзара пикир алмаштурулди.