türkiye «S-400» ler heqqidiki xewerlerni ret qildi

türkiye awazi radiyosi xewiri: tashqi ishlar ministirliqi bayanatchisi hami aksoy bezi taratqularda tarqiliwatqan türkiyening «S-400» hawa qalqan sistémisini tapshuruwélishni kéchiktürüshni oylashqan-oylashmighanliqi heqqidiki soalgha: «yéqinqi künlerde bezi taratqu organliri élan qilghan türkiyening amérikaning telipi boyiche S-400 sistémilirini tapshuruwélishni kéchiktürgenliki heqqidiki xewerler emeliyetke uyghun emes. rusiyedin S-400 sistémilirini tapshuruwélish musapimiz pilan boyiche dawamlishiwatidu» dep jawab berdi.

u amérikaning S-400 sistémilirining «F-35» ayropilanlirigha ziyan sélishi mumkinlikini toghrisidiki endishelirini muzakire qilish üchün, türkiyening amérika terepke sunghan «tekshürüsh guruppisi» teshkillesh teklipining toghra ikenlikini eskertti.