түркийә герман байанатчиниң сөзлиригә наразилиқ билдүрди
түркийә, германийә ташқи ишлар министирлиқи байанатчисиниң түркийәни қийин – қистаққа қарши бирләшкән дөләтләр тәшкилати (б д т) әһдинамисигә риайә қилишқа чақирған байанатиниң һечқандақ асасиниң йоқлуқини билдүрди.
![түркийә герман байанатчиниң сөзлиригә наразилиқ билдүрди](http://cdn.trt.net.tr/images/xlarge/rectangle/79ff/a132/7963/5c95edd555f3f.jpg?time=1719278431)
түркийә авази радийоси хәвири: түркийә җумһурийити ташқи ишлар министирлиқи байанатчиси һами ақсой бу һәқтә йазма байанат елан қилип, түркийәниң қийин – қистаққа вә начар муамилигә қарши б д т ниң вә йавропа кеңишиниң барлиқ әһдинамлиригә тәрәп икәнликини хатириләткән һалда, «кишиләрниң әркинликлиридин мәһрум қилинған һәрқандақ макан, хәлқара механизмларниң тәкшүрүшигә очуқтур. <қийин – қистақта нөл болуш> сийасити 2003 – йилидин буйан әстайидиллиқ билән иҗра қилинмақта» дегәнләрни қәйт қилди.
түркийәниң һәрқайси саһәләрдикигә охшашла, қийин – қистаққа қарши күрәш мәсилисидиму хәлқарадики мәсулийәтлиригә мувапиқ һәрикәт қиливатқанлиқини тәкитлигән һами ақсой, «германийә рәсмий агентлиқида тарқитилған германийә ташқи ишлар министирлиқи байанатчисиниң түркийә билән мунасивәтлик б д т әһдинамисигә риайә қилишқа чақирған байанатиниң һечқандақ асасий йоқтур. чүнки, байанатқа тема болған кишиниң дәвалири өз вақтида алақидар җумһурийәт баш тәптиш мәһкимиси тәрипидин тәкшүрүлүп, асассиз икәнликигә қарар қилинғандур. дөлитимиз барлиқ қийин – қистақ вә начар муамилә дәвалирини әстайидиллиқ билән тәкшүрмәктә вә бу саһәдики очуқ – ашкара позитсийәсини изчил оттуриға қойуп кәлмәктә. қийин – қистақ җинайитигә алақидар <вақитниң өтүп кетиш> бәлгилимисиму 2013 – йили әмәлдин қалдурулди. түркийәни қарилашни мәқсәт қилған бу хил асассиз дәваларға рәсмий даириләрниң әстайидил муамилә қилишидин һәйран қалмақтимиз» дегән ибариләргә орун берилди.
مۇناسىۋەتلىك خەۋەرلەر
![түркийә һиндистан әлчисигә тәзийә билдүрди](http://cdn.trt.net.tr/images/medium/rectangle/c9f9/6643/c005/64cc9b150db96.jpg?time=1719278431)
түркийә һиндистан әлчисигә тәзийә билдүрди
түркийә һиндистанниң әнқәрә баш әлчиси вирандер павулниң вапати үчүн тәзийә телеграммиси елан қилди.