تۈركىيە ي پ گ- پ ك ك تېررورلۇق تەشكىلاتىنى ئاگاھلاندۇردى

تۈركىيە ئاۋازى رادىيوسى خەۋىرى: تۈركىيە سۈرىيەنىڭ مۇنبىچ رايونىنى قورال كۈچى بىلەن كونترول قىلىۋاتقان تېررورلۇق تەشكىلاتى ي پ گ –پ ك ك نىڭ رايون خەلقىگە ۋاكالىتەن بايانات بېرىش ۋە باشقا كۈچلەرنى رايونغا تەكلىپ قىلىش ھوقۇقى يوقلىقىنى بىلدۈردى.

دۆلەت مۇداپىئە مىنسىتىرلىقى ي پ گ- پ ك ك نىڭ مۇنبىچ چاقىرقى توغرۇلۇق بايانات بەردى.

باياناتتا مۇنداق دېيىلدى: «مۇنبىچنىڭ نۆۋەتتىكى ۋەزىيىتى توغرۇلۇق بىر قاتار ئاساسسىز باياناتلار ئېلان قىلىندى، رايوننى قورال كۈچى ئارقىلىق كونترول قىلىۋالغان ي پ گ – پ ك ك تېررورلۇق تەشكىلاتىنىڭ رايون خەلقىگە ۋاكالىتەن بايانات بېرىش ۋە باشقا كۈچلەرنى رايونغا تەكلىپ قىلىش ھوقۇقى يوقتۇر. بارلىق تەرەپلەرنى رايوننىڭ ۋەزىيىتىنى تېخىمۇ كەسكىنلەشتۈرۈۋېتىدىغان گەپ-سۆز ۋە ھەرىكەتلەردىن يىراق تۇرۇش توغرىسىدا ئاگاھلاندۇرىمىز، بىز ۋەزىيەتنى يېقىن كۆزىتىپ كېلىۋاتىمىز.»