bu millet ittipaqlashqinida némilerni qilalaydighanliqini körsitip qoydi
türkiye jumhur reisi reqep tayyip erdoghan türk xelqining ittipaq bolghinida némilerni qilalaydighanliqini «zeytun shéxi herbiy herikiti» bilen pütkül dunyagha körsetkenlikini éytti.
türkiye awazi radiyosi xewiri: jumhur reis rejep tayyip erdoghan paytext enqerede hak (HAK)-soda-sanaetchiler ayallar bayrimi pirogrammisida xelqqe xitab qildi.
u türkiye armiyesining afrin rayonida bölgünchi térrorluq teshkilati p k k|k j k|p y d-y p g we daésh térroristlirini yoqitish, dost we qérindash rayon xelqini bésim we zulumdin qutquzush üchün 20-yanwarda bashlighan «zeytun shéxi herbiy herikiti» toghrisida toxtaldi. u yoqitilghan térroristlar sanining 2960 qa yetkenlikini bildürdi.
jumhur reis rejep tayyip erdoghan zeytun shéxi herbiy herikitining yene bir meninimu bildüridighanliqini eskertip: «afrin herikiti we özgirishler, hemd bolsunki bizge bir nersini ochuq körsitip berdi. bu millet küchlük millet, bu millet qabiliyetlik millet, bu millet ittipaqlashqanda, qeddini ruslighanda we oyghinip, qérindashliq rishtini kücheytkende némilerni qilalaydighanliqini otturigha qoydi» dédi.
u türkiye armiyesining afringha qarap mezmut qedemler bilen dawamliq ilgirilewatqanliqini tekitlidi we mundaq dédi:
«er rai, jerablus, elbab qatarliq jaylarni qandaq kontrol astigha alghan bolsaq, afrinnimu-ikki ming kiwadrat kilométir jayni ene shundaq kontrolluq astigha alimiz, arqidin u jaylarni öz igilirige tapshurup bérimiz.»
مۇناسىۋەتلىك خەۋەرلەر
türkiye térrorchilargha zerbe bérishni dawamlashturmaqta
türkiye térrorluqqa qarshi turush kürishini qetiy irade bilen üzlüksiz dawamlashturmaqta.
