süriye öktichiliri rusiyeni eyiblidi
süriye öktichi we inqilabiy küchler memliketlik birleshmisi bayanat élan qilip, b d t xewpsizlik kéngishini rusiyening iidlibqa qilghan hujumini eyibleshke chaqirdi.
türkiye awazi radiyosi xewiri: süriye öktichi we inqilabiy küchler memliketlik birleshmisi rusiyening idlibqa hujum qilishini toxtitishi üchün b d t xewpsizlik kéngishini heriketke ötüshke chaqirdi.
süriye öktichi we inqilabiy küchler memliketlik birleshmisi rusiye ayropilanlirining jiddiychilikni peseytish rayonliri dairesidiki idlibning oxshimighan jaylirigha qilghan hujumidin kéyin, yazma bayanat élan qildi.
bayanatta, b d t xewpsizlik kéngishi derhal heriketke ötüshke we biwaste rusiye toghrisida qarar chiqirishqa chaqirildi. bayanatta mundaq déyildi:
«xelqara jemiyettin hujumlarni eyiblesh, idlib, ghuta we pütkül süriyediki puqralarni qutquzush hemde hujumlarni toxtitish üchün her sahe boyiche tirishchanliq körsitish ümidi kütülmekte.»
beshshar esed hakimiyitining idlibning serakib nahiyeside xlor gazi bilen qilghan hujumimu tilgha élinghan bayanatta, bu hujumlarning b d t qararlirigha xilap ikenliki qeyt qilindi.
bayanatta, rusiye ayropilanlirining yekshenbe (4-féwral) kefrenbil, maarretinuman, murek, xan sheyxun we ummu elhalahil nahiyelirige, 40 qétimdin artuq hawa hujumi qilghanliqi eskertildi.
مۇناسىۋەتلىك خەۋەرلەر
türkiye térrorchilargha zerbe bérishni dawamlashturmaqta
türkiye térrorluqqa qarshi turush kürishini qetiy irade bilen üzlüksiz dawamlashturmaqta.
