«زەيتۇن شېخى» ھەربىي ھەرىكىتى توغرىسىدا مۇناسىۋەتلىك دۆلەتلەرگە مەلۇمات بېرىلدى

تۈركىيە ئاۋازى رادىيوسى خەۋىرى: تۈركىيە تاشقى ئىشلار مىنىستىرلىقى ئىستانبۇلدىكى ۋاكالەتخانىسى ئارقىلىق سۈرىيە كونسۇلخانىسىغا «زەيتۇن شېخى» ھەربىي ھەرىكىتى توغرىسىدا نوتا تاپشۇردى.

تۈركىيەنىڭ ب د ت (بىرلەشكەن دۆلەتلەر تەشكىلاتى) دائىمىي ۋەكىلى ئارقىلىق ب د ت باش كاتىپى ئانتونىيو گۇتېرس بىلەن ب د ت خەۋپسىزلىك كېڭىشىنىڭ نۆۋەتچى رەئىس دۆلىتى قازاقىستاننىڭ دائىمىي ۋەكىلىگە، ھەرىكەتنىڭ مەقسىتى ۋە قانۇنىي ئاساسى ھەققىدە مەكتۇپ بىلەن يازما مەلۇمات بېرىلدى.

ب د ت خەۋپسىزلىك كېڭىشىنىڭ دائىمىي ئەزالىرى بولغان ئامېرىكا، رۇسىيە، ئەنگلىيە، فىرانسىيە ۋە خىتاينىڭ تۈركىيەدە تۇرۇشلۇق باش ئەلچىلىرى «زەيتۇن شېخى» ھەربىي ھەرىكىتى توغرىسىدا مەلۇماتقا ئىگە قىلىنىش ئۈچۈن تاشقى ئىشلار مىنىستىرلىقىغا چاقىرىلغان ئىدى.