ئافرىن ھەرىكىتى خەلقئارا قانۇن ۋە ئۆزىمىزنىڭ قانۇنىدىن كەلگەن ھوقۇقىمزىدۇر

تۈركىيە ئاۋازى رادىيوسى خەۋىرى: باش مىنىستىر بىنالى يىلدىرىم تەبىئىي ئاپەت ۋە جىددىي ئىشلارغا تاقابىل تۇرۇش ئىدارىسىدا ئۆتكۈزۈلگەن 80 دانە دالا ئاپتوموبىلىنى تاپشۇرۇپ بېرىش مۇراسىمىدا مۇھىم سۆز قىلدى. ئۇ: «خەلقئارا قانۇن ۋە ئۆزىمىزنىڭ قانۇنىدىن كەلگەن ھوقۇقىمىزدىن پايدىلىنىپ، تېررورلۇقنى يوقىتىش ۋە قانچە يىللاردىن بۇيان دەرت-ئەلەم تارتىۋاتقان خەلقنىڭ قايتىدىن دەرت-ئەلەملەرگە دۇچار بولۇشىنىڭ ئالدىنى ئېلىش، ئافرىن ھەربىي ھەرىكىتىنى باشلىشىمىزدىكى مەقسەتلىرىمىزدۇر» دېدى.

ئۇ: «بەزىدە ئۇنداق-بۇنداق سۆزلەر بولىدۇ، <نېمىشقا 3 يېرىم مىليون سۈرىيەلىككە بۇنچىلىك پۇل خەجلەيسىلەر، قاچان باشلايسىلەر> دېگەندەك، توغرا چۈشىنىشكە مەجبۇرمىز. بىز ھاياتى خەۋپ ئىچىدە قالغان، قىيىچىلىقتا قالغان، يۇرت-ماكانلىرىدىن قېچىشقا، بارلىق ئۆتمۈشىنى ئۇنتۇشقا مەجبۇر بولغان كىشىلەرگە ئىشىكىمىزنى تاقىۋالمايمىز، مەدەنىيىتىمىزدە بۇنداق قىلىش يوق، ئېتىقادىمىزدىمۇ يوق، ئەلۋەتتە داستىخنىمىزدا نېمە بولسا تەڭ ئورتاقلاشتۇق، بۇنى ھەرگىزمۇ پۇل، كېيىنكى ھېساب-كىتاب مەسىلىسى قىلىۋالمىدۇق ۋە قىلمايمىز» دېدى.