türkiye yawropada islam endishisi hadisisi üstide tekshürüsh élip baridu
türkiye büyük millet mejlisi yawropadiki töt dölette islam endishisi hadisisi üstide tekshürüsh élip baridu.
![türkiye yawropada islam endishisi hadisisi üstide tekshürüsh élip baridu](http://cdn.trt.net.tr/images/xlarge/rectangle/4f13/cdef/aabf/5938341e9beb3.jpg?time=1719124186)
türkiye awazi radiyosi xewiri: türkiye yawropadiki töt dölette islam endishisi hadisisi üstide tekshürüsh élip baridu.
bélgiyediki bélga xewer agéntliqining bu heqtiki xewirige asaslanghanda, türkiye büyük millet mejlisi (türkiye parlaménti)gérmaniye, bélgiye, awstriye we firansiye qatarliq döletlerde bash kötürgen islam endishisi hadisisi üstide tekshürüsh we tetqiqat élip bérish üchün mexsus komitét qurup chiqqan bolup, komitét ezaliri islam endishisi nisbeten omumlashqan bu döletke merkezlishidiken.
komitétning bu döletlerning alaqidar orunliridin ruxset élip biwaste tekshürüsh élip bérishni pilanlighanliqi bildürüldi.
bélga agéntliqi türkiye büyük millet mejlisining awstriyede bash kötürgen irqchiliq hadisisige ilmiy yoldin jawab qayturush teriqiside bu pilanni tüzüp chiqqanliqini ilgiri sürdi.
awstriyede bu yilning béshida paytext wiyanada tughulghan tunji bowaqning türk bolushi sewebidin irqchiliq gep-sözliri körinerlik derijide köpeydi.
awstriye islamgha qarshi gep-söz we qilmishlarni sadir qilish bilen burunmu küntertipke kelgenidi.
awstraliyelik siyasetchiler bultur musulmanlar achqan yesililerni taqiwétish teklipini otturigha qoyghan bolup, bu teklipni otturigha qoyghan awstriye bash ministiri sébastiyan kurz türkiyening yawropa ittipaqining ezasi bolalmaydighanliqinimu éytqanidi.
مۇناسىۋەتلىك خەۋەرلەر
![türkiye térrorchilargha zerbe bérishni dawamlashturmaqta](http://cdn.trt.net.tr/images/medium/rectangle/828b/04e9/7c0a/666c1fc0b666e.jpg?time=1719124187)
türkiye térrorchilargha zerbe bérishni dawamlashturmaqta
türkiye térrorluqqa qarshi turush kürishini qetiy irade bilen üzlüksiz dawamlashturmaqta.