«ترامپنىڭ قۇددۇس قارارى دۇنيانىڭ تىنچلىقىغا بۇزغۇنچىلىق ئېلىپ كېلىدۇ»
تۈركىيە دىنى ئىشلار باشقارمىسى باشلىقى ئەلى ئەرباش ترامپنىڭ قۇددۇس قارارىنىڭ دۇنيانىڭ تىنچلىقىغا بۇزغۇنچىلىق ئېلىپ كېلىدىغانلىقىنى بىلدۈردى.
تۈركىيە ئاۋازى رادىيوسى خەۋىرى: تۈركىيە دىنى ئىشلار باشقارمىسى باشلىقى ئەلى ئەرباش ئامېرىكا پىرېزىدېنتى دونالد ترامپنىڭ قۇددۇسنى ئىسرائىلىيەنىڭ پايتەختى سۈپىتىدە ئېتىراپ قىلىشىنىڭ دۇنيانىڭ تىنچلىقىغا، ئامانلىقىغا ۋە ھۇزۇرىغا ئېغىر بۇزغۇنچىلىق قىلىش بولىدىغانلىقىنى بىلدۈردى.
ئەلى ئەرباش قۇددۇسنىڭ پۈتكۈل مۇسۇلمانلارنىڭ ئورتاق مەسىلىسى ئىكەنلىكىنى ئەسكەرتتى.
قۇددۇسنىڭ سالاھىيىتىگە نوقۇل سىياسىي جەھەتتىنلا قاراشنىڭ تولىمۇ خاتا ئىكەنلىكىنى تەكىتلىگەن ئەرباش مۇنداق دېدى: «قۇددۇس ئاددەتتىكى جاي ئەمەس، ترامپنىڭ قۇددۇس قارارى ئەقىل ۋە ۋىجدانغا قىلىنغان ھاقارەتتۇر، شۇنداقلا ئىتتىپاقلىق ئىچىدە ياشاش ئەنئەنىسىگە، ھۇزۇر-ھالاۋەتكە ۋە ئامانلىققا قىلىنغان زەربىدۇر. بۇ قارار تىنچلىق ماكانىنى توقۇنۇش مەيدانىغا ئايلاندۇرۇشنى مەقسەت قىلىدۇ.»
مۇناسىۋەتلىك خەۋەرلەر
تۈركىيە بىرازىلىيەگە تەزىيە بىلدۈردى
تۈركىيە بىرازىلىيەدىكى كەلكۈن ئاپىتىدە ھاياتىدىن ئايرىلغانلار ئۈچۈن بىرازىلىيەگە تەزىيە بىلدۈردى
سۈرىيە ۋە ئىراقنىڭ شىمالىدا 17 تېررورچى بىر تەرەپ قىلىندى
ئىراق ۋە سۈرىيەنىڭ شىمالىدا بۆلگۈنچى تېررورلۇق تەشكىلاتى پ ك ك ئەزاسى 17 تېررورچى بىر تەرەپ قىلىندى.