erdoghan bilen yildirim oqutquchilar bayrimini tebriklidi
erdoghanning tebriknamiside, «oqutquchiliri heqqige yarisha qedirlenmigen xelqning kelgüsimu bolmaydu» déyildi.
türkiye awazi radiyosi xewiri: bügün 24- noyabir oqutquchilar bayrimi munasiwiti bilen jumhur reis rejep tayyip erdoghan élan qilghan tebriknamiside, oqutquchiliri heqqige yarisha qedirlenmigen xelqning kelgüsimu bolmaydighanliqini éytti.
jumhur reis rejep tayyip erdeghan, sözide oqutquchilarning maaripning tüp asaschiliri we kelgüsining mémarliri ikenlikini tekitlidi.
bash ministir binali yildirimmu élan qilghan tebriknamiside, oqutquchilarning exlaqliq kishi we jemiyet, shundaqla bayashat türkiye yaritish nishanini boylap wezipe ötewatqanliqini éytti.
binali yildirim tebriknamiside: «oqutuchilirimiz oxshash bolmighan qarashlargha her daim hörmet qilidighan we démokratiyege yürektin ige chiqidighan ewladlarni yétishturup, dölitimizning tereqqiyatida bashlamchiliq roli oynaydu» dédi.
binali yildirim chankaya sariyida türkiyening 81 wilayitidin kelgen oqutquchilarni kütüwaldi.
bash ministirlik wezipisini bashlighandin béri maaripqa eng köp étibar bergenlikini we buning üchün maaripqa ajritilidighan xamchotni birinchi qatargha qoyghanliqini tilgha alghan binali yildirim, 2003 – yilida 11 milyard lira etrapida bolghan dölet maarip xamchotini emdilikte 134 milyard 727 milyon dollargha chiqarghanliqini tekitlidi.
