байирбуҗақ түркмәнлиригә йемәк - ичмәк йардәм қилинди
әтимәсгут районлуқ һөкүмити түркмәнләргә изчил йаридәм қилип кәлмәктә.
түркийә авази радийоси хәвири: әнқәрә әтимәсгут районлуқ һөкүмити һатайниң йайлатиғи наһийәсидә турушлуқ байирбуҗақ түркмәнлиригә йемәк - ичмәк йардәм қилди.
әнқәрәдин йолланған 2 йүк аптомобилида лиқ йардәм бойумлири йайлатиғи наһийәсигә йетип барди.
йайлатиғи наһийәсидә йардәмләр кичик йүк аптомобиллириға йүклинип, наһийәдики лагерлар вә өйләрдә турушлуқ түркмән аилиләргә тарқитип берилди.
бу инсанпәрвәрлик йардәмләрниң 20 тонна бәрәңгә, гуруч, су йеғи вә қуруқ йемәкликләрдин тәркип тапқанлиқи билдүрүлди.
әтимәсгут районлуқ һөкүмити 2 һәптә илгириму 2 йүк аптомбилида инсанпәрврәлик йардәмлирини сүрийәдики түркмәнтеғиға йоллап бәргән иди.
әтимәсгут районлуқ һөкүмити тәрипидин районға мушу һәптә ичидә қайтидин йардәм бойумлириниң әвәтилидиғанлиқи билдүрүлмәктә.
