xulusi aqar norwégiyediki setchilikni keng dairilik tekshürüshni telep qildi

türkiye awazi radiyosi xewiri: jumhur reislik bayanatchisi ibrahim kalin, nato maniwérida yüz bergen shermenchilikni qattiq eyibleydighanliqini élan qildi. 
ibrahim kalin ijtimaiy tarattu hésabida élan qilghan bayanatida, «bu weqeni eng qattiq eyibleymiz, buning héch qandaq izahat bérilidighn teripi yoq» dégen sözlerni ishletti. 
ibrahim kalin bayanatida, weqe heqqide kéreklik qedemlerning tashlinishini yéqindin teqib qilidighanliqini bildürdi. 
bu ariliqta armiye bash ishtab bashliqi général xulusi aqar kanadada shimaliy atlantik ehdi teshkilati (nato) bash katipi jéns stolténbérg bilen körüshti. 
türkiye armiye bash ishtabi teripidin élan qilinghan bayanatta, nato bash katipining teklipige binaen élip bérilghan uchrishishta, sitolténbérgning nato maniwérida yüz bergen weqege qarita shimaliy atlantik ehdi teshkilati namidin kechürüm soraydighanliqini bildürgenliki, we bu heqte norwégiyede resmiy tekshürüsh bashilghanliqini tekitlep, jumhur reis rejep tayyip erdoghandinmu alahide kechürüm soraydighanliqini yetküzüp qoyushni telep qilghanliqi qoyt qilindi. 
türkiye armiye bash ishtab bashliqi général xulusi aqarmu tekshürüsh peqet weqeni sadir qilghuchi kishiler bilenla cheklinip qalmastin, belki etrapliq we keng dairilik bolushi kéreklikini telep qildi. 
bu araliqta xelqara «Halifaks» xewsizlik munbiri yighini üchün kanada ziyarette boluwtqan yawropa ittipaqi ishliri ministiri we bash muzakirichi ömer chelikmu natoning bash katibi stolténbérg bilen körüshti. 
ömer chelik nato manéwéridiki setchilikke qarita türkiyening naraziliqini stolténbérgqa yetküzdi. stolténbérg ömer chelikke bu weqedin qattiq qayghurghanliqini tekrarlidi. 
bu shermendichilik xelqara «Halifaks» xewsizlik munbiri yighinining tünji bölimidimu küntertipke keldi. 
munber yighining tünji bölümige qatnashqan shimaliy atlantik ehdi teshkilati (nato) bash katipi jéns stolténbérg weqedin kéyinrek xewer tapqanliqini, buning bir xatliq ikenlikini we weqedin xewer tépip, shu hamanla mesul kshilerni wezipisidin élip tashlighanliqini uqturdi. 
weqedin kéyin derhal yazma bayanat élan qilghanliqinimu eskertip, türkiye tashqi ishlar ministiri mewlüt chawushoghlugha téléfon qilghanliqini, türkiye armiye bash ishtab bashliqi général xulusi aqar bilenmu «Halifaks»ta körüshüp, élan qilghan bayanatliri heqqide melumat bergenlikini bildürdi. 
jéns stolténbérg munber yighinida qilghan sözide, türkiyening eng achquchluq ittipaqdashlardin birsi ikenlikini tekitlidi. türkiyening peqetla nato üchün emes, belki barliq qoshna rayonlar üchünmu intayin muhim rol oynawatqanliqini eskertti.  
türkiye chégra dairilirining öz nöwitide yene natoning chégra dairisi hésablinidighanliqinimu bildürüp, türkiyening térrorluq teshkilati daéshqa qarshi küreshte intayin muhim rol oynighanliqini éytti.  
bu ariliqta norwégiyediki shermendichilikke qarita enqere jumhuriyet teptish mehkimisi délo türghuzup tekshürüsh bashlidi.