türkiye marka enge aldurush iltimasi jehette zor ilgirilidi

türkiye awazi radiyosi xewiri: türkiye yawropada marka enge aldurush iltimasi jehette aldinqi qatardin orun aldi.

türk patént we marka idarisi bashliqi habip asan türkiyening 6 yil ichide yawropada marka enge aldurush jehette eng köp iltimas sunghan dölet bolghanliqini éytti.

habip asan  marka enge aldurushta türkiyening izchil algha ilgirilewatqanliqini éytip mundaq dédi: «bultur türkiyede 100mingdin artuq markini enge aldurush iltimasi sunuldi,  gérmaniyede bolsa bu san80 ming etrapida. bu yil rékort kütüwatimiz, bu yilning axirighiche 120ming shirket marka enge aldurush üchün iltimas sunushi mumkin.»

habip asan layihelesh sahesidimu türkiyening yawropa boyiche ikkinchi orunda turidighanliqini bildürdi.

markida töt, layiheleshte üch hesse éshish körülgenlikini eskertken habip asan, bu sahelerde qilishqa tégishlik ishning marka we layihelerni qoshumche qimmetke aylandurush ikenlikini éytti.

türkiyening 2023 nishanliri barliqini éytqan habip asan 500 milyard  dollarliq éksport, 2 tiriylon dollarliq iqtsad, 20ming dollardin artuq kishi béshigha toghra kélidighan kirim, %5tin töwen ishsizliq nishanigha yétish üchün patént, marka, layihe sanilirini ashurup bularni tawargha aylandurush lazimliqini eskertti.

habip asan jumhur reis rejep tayyip erdoghanning 2023-yili eng az 10 xelqara marka yaritsh üchün nishan békitkenlikini eslitip ötüp, özliriningmu 2023-yili 50ming layihe we yerlik mehsulat, eng az 150ming marka iltimas qilish nishani barliqini, bular bazar iqtisadigha élip kirilse türkiyening tereqqiy qildighanliqini éytti.