qatardiki bir soda sarayda erdoghangha rexmet éytish dolquni kötürüldi

türkiye awazi radyosi xewiri: paris qoltuqi kirizisini hel qilish üchün körsetken tirishchanliqi yüzisidin rexmet éytish meqsitide qatarning paytexti dohadiki bir soda saraygha jumhur reis rejep tayyip erdoghanning chong resimi ésildi.

erdoghanning katta resimi qatar xelqining alahide qiziqishini qozghidi.

soda saraygha kelgen ziyaretchiler erdoghanning resimi üstige minnetdarliqi we rehmitini ipadilep her xil sözlerni yazdi we imzalirini qoydi.

ziyaretchilerdin selim hamad resimge imza qoyghandin kéyin, «bu resim qatar xelqining shereplik türkiye jumhur reisi rejep tayyip erdoghangha bolghan minetdarliqining sémwolidur. bu resim arqiliq uninggha we türkiye xelqige teshekkürlirimizni éytimiz» dégen sözlerni yazdi. 

meryem iismlik yene bir qatarliq ayal bolsa, «dölitimizni qollap - quwwetligen tünji kishi erdoghan. türkiye we qatar bir - birige mustehkem qérindashliq rishtiliri bilen baghlanghan. biz erdoghanni söyimiz» dégen sözlerni yazdi.