бәкир бозтағ: дөлитимизгә чоң тозақлар қурулмақта
әдлийә министири бәкир бозтағ, түркийәгә тозақ қуруватқанларниң һелә – нәйрәңлири ишқа ашмай, һесаблирини өзгәртишкә мәҗбур болуп келиватқанлиқини тәкитлиди.
түркийә авази радийоси хәвири: әдлийә министири бәкир бозтағ түркийәниң террорлуққа қарши күришиниң таки террорчиларниң йилтизини қурутқанға қәдәр давамлишидиғанлиқини ейтти.
әдлийә министири бәкир бозтағ роза һейтни өз йүрти йозғатта өткүзди. ақтағмәдәни наһийәлик һөкүмәт күлтүр мәркизидә өткүзүлгән һейтлишиш пирограммисида сөз қилип: «түркийәгә террорлуқ тәшкилати арқилиқ шәкил бәрмәкчи боливатқанлар бүгүнгә қәдәр нурғун қетим һесаблирини өзгәртишкә мәҗбур болушти. буниңдин кейинму йәнә қанчә - қанчә қетимлап өзгәртишкә мәҗбур болишиду» деди.
бәкир бозтағ түркийә болуш сүпити билән районда хатирҗәмлик, тинчлиқ, бихәтәрлик вә муқимлиқни бәрпа қилишни арзу қилдиғанлиқини тәкитләп, «түркийәниң вә әзиз миллитимизниң тарихидин игилигән вә бүгүн қолға кәлтүргән күч – қудрәт, иқтидарлири билән кәлгүсидә техиму чоң күчлүк орунда, техиму үнүмлүк ролларни ойнайдиғанлиқи ениқтур. шуниң үчүнла дөлитимизниң алдини тораш үчүн алаһидә күч чиқирип йүрүшмәктә. чоң тозақларни қуруп йүрүшмәктә» деди.
