сүрийәликләрниң җәраблусқа қайтиши давам қилмақта
буниңдин алтә йил илгири башланған ички уруштин қечип түркийәгә кәлгән сүрийәлик мусапирлар, фират қалқини һәрикити даирисидә даеш террорлуқ тәшкилатидин халийлаштурулған районларға қайтишни давамлаштурмақта.
![сүрийәликләрниң җәраблусқа қайтиши давам қилмақта](http://cdn.trt.net.tr/images/xlarge/rectangle/764a/7c21/e6ee/59141ef3efea2.jpg?time=1719180227)
түркийә авази радийоси хәвири: қарқамиш наһийәсидә ғазиантәп валийлиқ мәһкимиси тәрипидин тизимға елинған сүрийәликләр, вилайәтлик көчмәнләр идариси хадимлириниң назарити астида дөләтлиригә қайтмақта.
айаллар вә балилар қошулуп күндә оттуричә 200 сүрийәлик, нәрсә – керәк вә йүк – тақлирини алған һалда қарқамиш таможна еғизиға берип, бихәтәрлик тәкшүрүшлиридин өткәндин кейин җәраблусқа өтмәктә. әркин сүрийә армийәси хадимлири, мәзкур кишиләрни таможна еғизида күтүвелип, йүк – тақлирини аптомобилларға бесип өйлиригичә апирип қоймақта.
24 – авғустта башлиған фират қалқини һәрикитиниң биринчи күнидин буйан түркийәдин җәраблусқа қайтқан сүрийәликләрниң сани 38 миңға йәтти.
مۇناسىۋەتلىك خەۋەرلەر
![түркийә һиндистан әлчисигә тәзийә билдүрди](http://cdn.trt.net.tr/images/medium/rectangle/c9f9/6643/c005/64cc9b150db96.jpg?time=1719180227)
түркийә һиндистан әлчисигә тәзийә билдүрди
түркийә һиндистанниң әнқәрә баш әлчиси вирандер павулниң вапати үчүн тәзийә телеграммиси елан қилди.