zeybekchi gérmaniyening pozitsiyesi toghrisida bayanat élan qildi

türkiye awazi radiyosi xewiri: iqtisad ministiri nihat zeybekchi bezi yawropa döletlirining türkiye puqralirigha cheklime qoyushini fethullahchi térrorluq teshkilatining 15-iyuldiki herbiy özgirish qozghashqa urunush herikitidin kéyin bashlanghan türkiyege munasiwetlik tetür teshwiqatlarning dawami bolush xususiyitige ige ikenlikini bildürdi.

nihat zeybekchi bu heqte axbarat élan qilish yighini ötküzdi we t r t téléwiziyesining ziyaritini qobul qilip, küntertip heqqide bayanat élan qildi. u türkiyening iqtisadiy jehettin yawropa ittipaqi bilen biwaste bir gewde ikenlikini we birinchi nomurluq iqtisadiy hemrahining gérmaniye ikenlikini éytti. u bezi qara guruhlarning tetür teshwiqat arqiliq ikki dölet munasiwetlirini buzushqa urunuwatqanliqini eskertti.

nihat zeybekchi gérmaniye hökümitidin bu tuzaqni körüshni kütidighanliqlirini tekitlep, eng muhim ittipaqdash dost döletlerni tarixiy munasiwiti bolghan ikki dölet arisigha térilmaqchi bolghan nifaq uruqlirigha alahide diqqet tartti. u gérmaniyede chiqidighan bir gézitte élan qilinghan haqaret qilinghan mezmundiki xewer üstide toxtaldi. u exlaqqa yat, insapsiz we edepsiz söz-jümlilerning türkiyege qaritilghanliqini, gézittiki ibarilerning démokratiyege qarshi we kishilik hoquq bolmighan dölettimu tilgha élinmaydighan ibariler ikenlikini bildürdi.

u gérmaniyening «dér spéygél» zhurnilining türkiye xelqi qehrimanliq dastani yazghan 15-iyuldin kéyin élan qilinghan sanidiki xelqning herbiy özgirishke qarshi meydanini qarilighan zhurnal muqawisi we serlewhe üstidimu alahide toxtaldi. u gérmaniye hökümitining taratqulardiki bu xil haqaret qilish xahishlirini qanun we démokratiye asasida cheklishini kütidighanliqlirini qeyt qildi. u gérmaniyede 1 yérim milyon saylighuchining barliqini we türkiye ministirlirining ulargha xitab qilishining eng eqelliy hoquqi ikenlikini eskertip, gérmaniyening wezipisining bolsa, ularning hoquqigha cheklime qoyushning ornigha ministirlarning heq-hoquqini qoghdash ikenlikini tekitlidi.