türkiye xewpsizlik küchliri 100 ge yéqin térrorchini ujuqturdi

türkiye awazi radiyosi xewiri: shirnaq, hakkari, siirt, mardin we bitlis qatarliq jaylarda 24 – noyabirdin 30 – noyabirghiche bolghan jeryandiki zerbe bérish heriketliri esnasida PKK térrorluq teshkilatigha eza 94 térrorchi ujuqturuldi.

xewpsizlik küchliri, qish kirishtin ilgiri oq – dora we arqa sep eshyalirini zapasliwalghan térrorchilarni uwilirida ujuqturdi؛ heriket netijiside, jemiy 53 panahlinish orni, öngkür we ambarlardiki turmush we ashliq mehsulatliri bilen teshkilatqa tewe matériyallar yoqitip tashlandi.

xewpsizlik küchliri yene, yerlik usulda yasalghan 45 dane partlatquch, ikki dane mergen miltiqi, 44 dane piyade qisim miltiqi, 3 tonna ammoniy nitrat bilen oxshash bolmighan miqdar we türdiki oq – dorini qolgha chüshürdi.

hakkari merkezge qarashliq ördeklik yézisi doghanja tériqchiliq ornida PKK térrorluq teshkilati teripidin teyyarlanghan partlatquch madda orunlashturulghan bir aptomobil yoqitip tashlandi.

PKK térrorluq teshkilatining rehberlik apparatigha zerbe bérish herikiti netijiside, kök we külreng tizimliktiki 2 térrorchi ujuqturuldi.

zeherlik chékimlik ishlepchiqirishi, sodisi we etkeschilikke zerbe bérish xizmetliri sayisida 4 tonnigha yéqin zeherlik chékimlik maddisi bilen 770 ming qap etkes tamaka qolgha chüshürüldi.