«köpligen ereb elliri gülenchilerni baghrigha bésiwatidu»

türkiye awazi radiyosi xewiri: erdoghan «‹eljezire› téléwiziye qanili» da bergen bayanatining dawamida, fethullahchi térrorluq teshkilati unsurliri mesiliside ereb ellirini agahlandurdi hemde köpligen ereb  ellirining fethullahchi térrorluq teshkilati unsurlirini baghrigha bésiwatqanliqini, hetta bezi jaylarda türkiyege bashqiche qaraydighanlarningmu barliqini, shunga bu nuqtigha diqqet qilish lazimliqini tekitlep mundaq dédi: «eger ereb elliri bundaq chong xataliqni sadir qilsa, ete - ögün ularmu éghir bedel töleshke mejbur bolidu.»

jumhur reis erdoghan ereb dunyasda fethullahchi térrorluq teshkilati unsurlirigha kimlerning yardem bériwatqanliqigha munasiwetlik soalgha: «mesilen misir» dep jawaab berdi.

u yene, fethullah gülenni türkiyege qayturup bérishi üchün amérikigha 85 yéshiklik höjjet ewetkenliklirini, edliye ministiri bekir bozdagh hemrahliqidiki heyet arqiliq amérika dairiliri bilen söhbet élip bérilghanliqini eskertish bilen bir waqitta, washingtonning fethullah gülenni choqum enqerege tapshurup bérishi lazimliqini, tapshurup bermigen teqdirde, «bu, munasiwetlirimizge ziyan yetküzelmeydu» déyelmeydighanliqinimu sözlirige ilawe qildi.