بىتلىس، ھاككارى، شىرناق، دىيارباكىر ۋە ماردىندا تېررورچىلارغا زەربە بېرىلدى
تۈركىيە ھاۋا ئارمىيەسى تېررورچىلارنىڭ بىتلىسنىڭ تاتۋان ناھىيەسىدىكى ئۇۋىلىرىنى ئوققا تۇتتى.
تۈركىيە ئاۋازى رادىيوسى خەۋىرى: تۈركىيە ھاۋا ئارمىيەسىنىڭ بىتلىسنىڭ تاتۋان ناھىيەسىدىكى تېررورچىلارغا زەربە بېرىش ھەرىكىتىدە 4 تېررورچى ئۇجۇقتۇرۇلدى، زەربە بېرىش ھەرىكىتىدىن كېيىنكى چارلاش جەريانىدا رايوندىن يەرلىك ئۇسۇلدا ياسالغان 5 دانە پارتلاتقۇچ، 4 دانە ئۇزۇن مۇساپىلىك مىلتىق ۋە كۆپ مىقداردا ئوق – دورا قولغا چۈشۈرۈلدى.
ھاككارىنىڭ چۇقۇرجا ناھىيەسىدە داۋاملىشىۋاتقان زەربە بېرىش ھەرىكىتى جەريانىدا 300 دانە پىلىموت ئوقى بىلەن 3 دانە زەمبىرەك ئوقى قولغا چۈشۈرۈلدى.
شىرناقتىكى زەربە بېرىش ھەرىكىتى جەريانىدا تېررورچىلارنىڭ 11 دانە پاناھلىنىش مەركىزى ئېنىقلاپ چېقىلدى .
دىيارباكىرنىڭ سىلۋان ناھىيەسىدە بولسا، خەۋپسىزلىك كۈچلىرى 4 ئۆڭكۈردىكى چارلاش جەريانىدا قولغا چۈشۈرگەن 450 كىلوگىرام ئاممونىي نىتراتنى يوقىتىپ تاشلىدى.
ماردىننىڭ دەرىك ناھىيەسىدىكى زەربە بېرىش ھەرىكىتى جەريانىدا 11 گۇماندار نازارەت ئاستىغا ئېلىندى.
مۇناسىۋەتلىك خەۋەرلەر
سۈرىيە ۋە ئىراقنىڭ شىمالىدا 17 تېررورچى بىر تەرەپ قىلىندى
ئىراق ۋە سۈرىيەنىڭ شىمالىدا بۆلگۈنچى تېررورلۇق تەشكىلاتى پ ك ك ئەزاسى 17 تېررورچى بىر تەرەپ قىلىندى.